Geri Qaytarma və Dəyişdirilmə Şərtləri

TVİM-dən onlayn və ya digər yollarla alınmış malların dəyişdirilməsi və geri qaytarılması aşağıdakı şərtlərə uyğun həyata keçirilir.

Azərbaycan Respublikasının "İstehlakçıların hüquqlarının müdafiəsi haqqında" Qanununun 15-ci maddəsinə əsasən, geri qaytarılması qadağan olunmayan mallar əmtəə görünüşü və istehlak xüsusiyyətləri qorunmaqla 14 gün ərzində dəyişdirilə bilər (əvəz edilməsi üçün uyğun mal olmadıqda pulun geri qaytarılması mümkündür).
Mallar təhvil zamanı fiziki xüsusiyyətlərinə və funksionallığına görə yoxlanılmalıdır. Hər hansı qüsur, uyğunsuzluq, səhv və ya çatışmayan mal aşkar edildikdə, kuryerə dərhal məlumat verilməlidir. Malın qəbul edilməsindən sonra baş verən fiziki zədələrə görə şirkət məsuliyyət daşımır.

Qablaşdırmanın açılması — orijinal qutu, vakuum və ya bliste qablaşdırması zədələnmiş və ya yenidən satışa yararsız dərəcədə açılmışsa.
İstifadə olunmuş mallar — istifadə izləri və aşınma əlamətləri olan mallar.
Deformasiya — malın əmtəə görünüşünə, istehlak xüsusiyyətlərinə və fiziki vəziyyətinə təsir edən deformasiya olduqda.

Satış və çatdırılma zamanı verilmiş sənəd (elektron qaimə-faktura, kassa çeki və ya digər sənəd) saxlanılmalı və təqdim edilməlidir.
Mal Azərbaycan Respublikası Nazirlər Kabinetinin müvafiq qərarına əsasən geri qaytarılması mümkün olmayan mallar kateqoriyasına aid olmamalıdır.

İstehsal qüsuru olduqda və ya TVİM tərəfindən səhv mal göndərildikdə, geri qaytarma və dəyişdirmə ilə bağlı bütün xərcləri TVİM ödəyir.
Mal qüsursuzdursa və şirkət tərəfindən heç bir səhvə yol verilməyibsə, geri qaytarma və ya dəyişdirmə yalnız müştərinin istəyi ilə həyata keçirilirsə, kuryer/çatdırılma xərclərini müştəri ödəyir.

Qüsursuz malların geri qaytarılması 14 günlük qanuni şərtə uyğun həyata keçirilir.
İstehsal qüsuru olduqda və ya təhvil zamanı aşkar edilən qüsurlar olduqda, mal qeyd-şərtsiz dəyişdirilir və ya geri qaytarılır.

Mal tam komplektdə, orijinal qablaşdırmada, alış sənədləri və bütün aksesuarlarla birlikdə geri qaytarılmalıdır.
Malın dəyərinin geri qaytarılması, malın anbara qaytarılıb yoxlanıldığı tarixdən 3 iş günü ərzində həyata keçirilir (kartla ödənişlərin geri qaytarılması müştərinin kartına köçürülür).

Azərbaycan Respublikası Nazirlər Kabinetinin müvafiq qərarına əsasən aşağıdakı mallar geri qaytarılmır və dəyişdirilmir:

Dəri məmulatları
Məktəb ləvazimatları, hədiyyələr və şəxsi istifadə malları
Gigiyena məhsulları
Sifarişlə hazırlanan fərdi məhsullar
Hissələrdən yığılaraq çatdırılan məhsullar (məsələn: dəmir şkaflar, mebel və s.)
Seyf və pul mühafizəsi üçün mallar

Təmir və tikinti üçün lazım olan məhsulları seçməkdə sizə peşəkar dəstək veririk!